طبعا الموضوع باين من عنوانه ..
كان تقريبا فيدو بيفكر البنات لما بتقعد مع بعض بيفكروا ف ايه او بيتكلموا ف ايه ..
اهو الموضوع ده ممكن يبقى كده ..تلبية لنداء فيدو (عشان اتنصب عليه فى سنته :d )
فيه بس حاجة..
ممكن تبقى البنت مالهاش فى الرغى او الاحاديث اللى مالهاش لازمة ..
بس فيه حاجات لازم تلاقى جانب هايف فيها كده وتلاقى اى بنت تشترك فيها سواء برضاها او مجبرة :ss
لو بنت قابلت بنت وبتتعرف عليها مثلا لاول مرة
انا افتكر مثلا بعض الاسئلة الاساسية حتى لو بنات بتقابل بعض لاول مرة( شوفوا التدخل والحشرية :laugh: )
انتى بتحبى تسمعى مين ؟
وانتى برج ايه ؟
وبتحبى تاكلى ايه؟ ايه ده انتى عامله رجيم!! hmy:
طب ماشيه عليه ازاى ؟خسيتى ؟ كام كيلو؟
انا باعرف احط ميكب حلو اوى..بس الا الاى شادو..بتعرفى ؟ :unsure:
طب علمينى!! :ss
شفتى المذيعة ...؟ عارفه؟ انا نفسى اعمل لون شعرى زيها بس مش عارفه اعمله فين :sad2:
طب انتى تعرفى كوافير كويس؟ طب تيجى معايا.. (تخيل مقابله اول مرة :ss :ss )
عارفه فلانه .. دى اتخطبت وفسخت .. طب ليه؟؟ (ساعتين فى سيرة فلانه بقى)
وصاحبتها كمان اتطلقت بعد شهر وكانت حامل ..هى الوقتى خلفت بس جوزها خاطب واحده زميلتها شوفى البجاحة!
طب وابنه ؟؟ hmy: دى ناس ماعندهاش دم
عارفه فلان ..ده جايب شقة 200 متر فى برج.... /آدى العرسان .
المهم حبة نم وغيبة ونميمة ...
الا قوليلى ..باباكى بيشتغل ايه ؟ فين ؟
ياسلاااام!! ده مع ماما بقى فى الشغل !!
و ماماتك بتشتغل؟ امال ست بيت من امتى ؟؟
واخواتك ؟؟( لو عرفت مثلا ان اختها مخطوبة ولا حاجه)
طب خطيب اختك بيشتغل ايه؟؟ وجاب شبكة بكام ؟؟ وهاتتجوز امتى؟؟
والعفش قسمتوه ازاى ؟؟ يعنى انتوا عليكم ايه؟؟
لا كده انتو ناصحين .. عارفه فلانه .. دى اتضحك عليهم واخوها هو اللى شال الشقه كلها
اصل نسايبة ناس ناقصه اصلا .. وقاعدين يتدجللوا مش عارفه على ايه ده حتى يعنى بنتهم عادية مش بنت وزير يعنى :ss
واختك هاتتجوز امتى بقى ؟؟ والفرح فين ؟؟
عملت الفستان عند مين وبكام ؟؟ والكوافير حجزتوه ؟؟
وانتى عملتى حاجة ولا ععندك ؟؟ لا بقى دى اختك لازم تعملى حاجة مخصوص؟؟
الا قوليلى انتى بتحبى الوان ايه ؟؟
انا مرة جبت مونكير اللون ده بس كان وحش اوى على ايدى
اصل انا خمرية والالوان دى بتبهت ايدى :sad2:
جايبه المونكير ده منين؟؟ لا بس عارفه لو لون افتح شويه كان يمشى مع الروج .
انتى بتجيبى الميك اب منين ؟؟ هى درجة الروج دى كام :unsure:
المشكلة .. ان المحادثة الطويلة الهايفة دى كلها ..بتبقى بين بنات بتتقابل لاول مرة :ss